Autori: Nga: Albania Mail
Të henën, përballja finale mes gazetarit Muhamed Veliu dhe gazetes “Bota Sot”. e akuzuar për shpifje. Botuesi, Xhevdet Mazrekaj gjobitet me 5 mijë sterlina për shpërdorim të kohës së avokatëve të Veliut

Gjykata e lartë u ka dhënë fund orvatjeve të ish botuesit të gazetes “Bota Sot” Xhevdet Mazrekaj i cili për të dytën herë në një proces gjyqësor, ku ai është përballur me gazetarin Muhamed Veliu ka kërkuar më shumë kohë "për tu përgatitur". Përballja finale e gazetarit te gazetes “Albanian Mail” do të zhvillohet të hënën e ardhëshme. Gjyka e lartë "Royal Court of Justice" ka vendosur si datë përfundimtare 26-dhe 27 Qershorin për të marrë një vendim në ngarkim të Mazrekajt i cili konsiston në masën e dëmshpërblimit që do t`i akordohet Veliut.

Në të tilla raste gjykata londineze është e ashpër dhe dëmshpërblimi mund të jetë një shifër e lartë, aq më tepër që bëhët fjalë për akuza të pabaza që kanë të bëjnë me terrorizmin. Sipas ligjit anglez, pala humbëse detyrohet të paguajë të gjithë koston legale të procesit gjyqësor, plus pagesën e avokatëve të pales fituese. Thënë ndryshe, “Bota Sot” e cila deri më tash është në pozita aspak të favorshme në këtë proces dhe po shkon drejt ndëshkimit të sigurtë, do ti duhet të paguajë një shumë prej qindra mijë sterlinash. Në këtë proces, gazezari Muhamed Veliu ka hedhur në gjyq gazetën “Bota Sot”, për shpifje pas një artikulli botuar më 20 korrik 2005, ku kjo gazetë e cilëson atë si një njeri që kishte lidhje me kryeterroristin Muhamed Sadikue Khan i cli vrau 52 veta në metrotë e Londrës. Si të akuzuar në këtë proces për lejimin e publikimit të shpifjes dhe dëmtim personaliteti janë vënë Xhevdet Mazrekaj botues i “Bota Sot” i cili i ka thënë gjykatës se e ka kaluar gazetën në pronësi të Ismail Mazrekajt pronar i Media Print dhe kryeredaktori i gazetës Skënder Buçpapa. Në seancën e parë të këtij procesi zhvilluar në Londër, më 8 qershor, është paraqitur vetëm Mazrekaj, ndërsa Bucpapaj ka injoruar procesin duke mos dorëzuar dëshminë e tij për këtë çështje siç e bëri punëdhënësi i tij. Muhamed Veliu e ka cilësuar këtë si një frikë të Buçpapës për tu përballur me faktet dhe të vërtetën në gjykatë. "Skëndër Buçpapa njeriu që nuk bëri verifikimin më minimal të mundshëm të vërtetësisë së lajmit , nuk pati kurajon morale t'i përgjigjej akuzës së ngritur. Kjo tregon se ai nuk pa patur burrërinë e duhur t`i thotë gjykatës si qëndron e vërteta, gjë e cila e shton mbi të fajin, për të cilën gjykata mund të marrë vendim në mungesë dhe nuk do ta përjashtojë atë nga ky proces siç mund të ketë shpresuar kryeredaktori Buçpapa me mos paraqitjen në gjykatë", shprehet Veliu.

Në senacën e parë të këtij procesi, fillimisht përfaqësuesja ligjore e Veliut ka njohur gjykatën me aktpadinë dukë bërë një rezyme të ngjarjes. Kur ka mbaruar seanca e parë dhe pas pushimit të drekës, duke i suprizuar të gjithë, përfaqësuesja e Mazrekajt ka kërkuar më shumë kohë pasi klienti i saj ishte i papërgatitur. Kjo kërkesë është kundërshtuar nga avokatja e Veliut, por meqenëse i padituri Mazrekaj jetonte në Zvicër dhe kishte patur vetëm disa orë konsultë një natë më parë me avokaten në Londër, iu dha kohë deri më 21 Qershor, gjë për të cilën ai e pranoi. "Kjo është një humbje kohe që po na shkakton pala e akuzuar pasi ky proces gjyqësor supozohej të mbahej që në muajin maj dhe u shty për 8 qershor, që do të thotë se z Mazrekaj kishte kohë të mjaftushme për tu përgatitur", është shprehur baristerja e mirenjohur angleze për çështjet e medias, Alexandra Marzec e cila përfaqëson Veliun. Ajo i ka kërkuar një dëmshpërblim prej 20 mijë sterlinash për këtë humbje kohe shkaktuar asaj dhe avokatëve të Veliut, por gjykatësi i akordoi shumën 5 mijë sterlina e cila si afat të fundit për t`u paguar nga Mazrekaj ka ditën e sotme. Një javë përpara datës 21 qershor, avokantët e Mazrekajt janë shprehur se kërkonin më shumë kohë.

Në të tilla kushte "Royal Court of Justice" fiksoi dy ditë më parë si datë përfundimtare 26 qershorin për të përfunduar këtë proces. Nuk dihet ende nëse Xhevdet Mazrekaj do të udhëtojë përsëri drejt Londrës për këtë përballje të fundit me Muhamed Veliun i cili pret me qetësi vendimin e gjykatës. Ai tha: "Jam i vendosur ti shkoj deri në fund çuarjes në vënd të dinitetit tim në nëpërkëmbur nga Bota Sot. Ardhja apo mos ardhja e Mazrekajt në gjykatë për mua ka pak rëndësi. Do ti dëshmojë gjykatës për stresin, turpin dhe pasigurinë e jetës time shkaktuar nga publikimi i këtij artikulli që ju dha drita jeshile e botimit. Shpresoj që e hëna të jetë dita në të cilin do të marrë fund kjo histori e cila më ka tronditur por më ka bërë më të ndjehem i forte që të përballem me disa pseudo kolegë që me shkrime shpifëse kanë vite që argëtojnë lexuesit e tyre duke marrë nëpërkëmbë dinjitetin e njerzve të ndryshëm."